Aðeins örfáir höfðu séð óformlegt minnisblað varðandi Tony Omos, hælisleitanda frá Nígeríu, þegar því var lekið til valinna fjölmiðla 19. nóvember í fyrra. Morgunblaðið og 365 miðlar unnu frétt úr skjalinu sem birtar voru að morgni dags 20. nóvember, sama dag og skipulögð höfðu verið mótmæli til stuðnings Tony Omos. Skjalið sem endaði hjá fjölmiðlum átti sér ekki málsnúmer í kerfi ráðuneytisins þegar því var lekið. Örfáum dögum eftir að lekinn átti sér stað var nánast samskonar skjal skráð í kerfi innanríkisráðineytisins. Undantekningin er þó sú að málsgrein hafði verið bætt við neðst í þá útgáfu skjalsins sem lekið var til fjölmiðla. Þar var ýjað að því að Tony Omos beitti Evelyn, sem þá átti von á barni, þrýstingi um að hún nefndi hann barnsföður sinn.
Ekki embættismenn
„Vegna umræðu um að upplýsingar er varða mál einstaka hælisleitanda hafi með einhverjum hætti borist fjölmiðlum vill ráðuneytið taka fram að ekkert bendir til þess að slík gögn hafi verið afhent frá embættismönnum innanríkisráðuneytisins,” segir í tilkynningu innanríkisráðuneytisins vegna lekamálsins 22. nóvember síðastliðinn. Tilkynningin er send skömmu eftir að fréttir af lekamálinu birtust í fjölmiðlum en rannsókn ráðuneytisins hafði þá ekki farið fram. Tilkynningin skal því skoðast í því ljósi en undarlegt er að ráðuneytið hafi fullyrt með svo afgerandi hætti að enginn embættismaður hafi lekið skjalinu án nokkurar vitneskju þar um. „Ég er með algerlega hreina samvisku í þessu máli, hef ekki brotið af mér,” sagði Hanna Birna Kristjánsdóttir innanríkisráðherra á Alþingi um miðjan febrúar. Alvarlegt er ef ráðherra gefur Alþingi rangar upplýsingar en sama á við um tilkynningar ráðuneytisins. Sé gengið út frá því að ráðherra og ráðuneytið sjálft teljist til traustra heimilda er ljóst að hringurinn hefur þrengst til muna.
Átti í samskiptum við fjölmiðla
DV greindi frá samskiptum Þóreyjar Vilhjálmsdóttur, aðstoðarkonu innanríkisráðherra, við fjölmiðla vegna Tony Omos daginn áður en fréttirnar birtust. Þann 30. janúar segir á vef DV: „Samkvæmt heimildum DV úr þremur mismunandi áttum – innan úr ráðuneytinu, af fréttastofu 365 og úr Hádegismóum átti Þórey símtöl við fréttamenn um málefni hælisleitendanna tveggja þann 19. nóvember, daginn áður en upplýsingar úr minnisblaðinu um Tony Omos birtust í Fréttablaðinu og á vef Morgunblaðsins. Þann dag svaraði hún ekki fyrirspurn sem DV sendi henni um málið.”*
Skrifstofa ráðherra
Í málaskrá ráðuneytisins má finna skjal sem unnið er af Guðmundi Örvari Bergþórssyni, lögfræðingi í ráðuneytinu. Heimildir Reykjavík vikublaðs benda til þess að skjalið hafi Guðmundur unnið þann 19. nóvember að beiðni skrifstofu ráðherra. Aðeins Hanna Birna Kristjánsdóttir innanríkisráðherra, Þórey Vilhjálmsdóttir og Gísli Freyr Valdórsson, auk tveggja embættismanna; ráðuneytisstjóra og öðrum til, höfðu samkvæmt heimildum Reykjavík vikublaðs vitneskju um skjalið áður en fréttir úr því birtust í fjölmiðlum. DV hefur einnig greint frá því að einungis örfáir hafi haft aðgang að skjalinu. Reykjavík vikublað fjallaði ítarlega um rannsókn rekstrarfélags stjórnarráðsins þann 15. febrúar síðast liðinn en þar kom fram gríðarleg óánægja með rannsóknina meðal starfsmanna sem töldu hana tilraun til hvítþvotta, en fæli ekki í sér heiðarlega tilraun til að komast til botns í málinu.
According to a new study, men with erectile dysfunction (ED) do not require a prescription .Medical effect of sildenafil india online the drug is based on the vasodilation effect of its main component — famous Sildenafil Citrate. Men taking nitrates or alpha-blockers should not use this medicine without physician’s advice. buy cheap viagra http://icks.org/n/bbs/content.php?co_id=FALL_WINTER_2006 That is why; some of the persons call it cipla viagra online . Whatever the cause in the dust despair, it is at all times related of your individual state of mind, setting, but also/in addition current http://icks.org/n/data/ijks/1482461379_add_file_5.pdf buy cialis levitra circumstance.
Rekstrarfélag í hvítþvott
Rannsókn rekstrafélags stjórnarráðsins virðist aðeins hafa átt að þjóna þeim tilgangi að þvo ráðherra af málinu. Starfsmenn ráðuneytisins voru frá upphafi afar gagnrýnir á þá rannsókn og töldu hana ekki ganga nægjanlega langt, né njóta trúverðugleika. Í þeirri rannsókn munu samkvæmt heimildum Reykjavík vikublaðs netföng hvorki ráðherra né aðstoðramannana tveggja hafa verið skoðuð. Starfsfólk ráðuneytisins gaf hins vegar heimild til að pósthólf þeirra yrðu rannsökuð. Guðmundur H. Kjærnested, framkvæmdastjóri rekstrarfélagsins og ábyrgðarmaður rannsóknarinnar neitaði að tjá sig um málið þegar blaðamaður innti hann svara um hvers vegna ekki hefði verið talin þörf á að rannsaka skrifstofu ráðherra. Málið er nú til rannsóknar hjá lögreglu á forræði ríkissaksóknara.
Allt gert
Helga Vala Helgadóttir lögmaður bar upp spurningu til ráðherra í þættinum Mín skoðun sem sýndur var á Stöð 2, þann 16. mars síðast liðinn. „Hver lak minnisblaðinu til fjölmiðla?” Hanna Birna sagðist ekki geta svarað því; „Get ekki svarað henni. Ég veit það ekki. Þess vegna er málið í ákveðinni rannsókn og ákveðinni athugun, farsælli athugun held ég.” Hanna Birna bætti við að hún hefði margsinnis harmað lekann. „Ég get ekki útskýrt það. Við höfum í ráðuneytinu skoðað allt sem við getum skoðað til þess að reyna að komast að því; við finnum það ekki. Þess vegna er málið farið í ákveðna athugun hjá ríkissaksóknara sem er farsæl og ég er viss um það að það verður enginn fegnari heldur en ég þegar niðurstaðan fæst í því en ég get ekki útskýrt það. Alveg eins og ég hef sagt mörgum sinnum á þingi, þá get ég ekki útskýrt þetta.” Ummæli Hönnu Birnu hljóta að verða skoðast í ljósi þeirra upplýsinga sem þegar hafa komið fram um rannsókn málsins. Erfitt að sættast á útskýringar ráðherra um að ráðuneytið hafi gert allt sem það geti til að komast að lekanum ef rekstrarfélaginu
var ekki heimilað að skoða póstföng ráðherra og aðstoðarmanna.
Aðalritstjóri án minnisblaðs
„Ég er ekki með þetta minnisblað,” sagði Mikael Torfason, í Minni Skoðun, 16 febrúar. „Ég er ekki með þetta minnisblað,” endurtók Mikael í þættinum. Ummælin eru merkileg í ljósi þess Mikael er aðalritstjóri 365 miðla, hálfum mánuði áður hafði DV vitnað í ónafngreindan heimildamann innan 365 miðla, Morgunblaðsins og ráðuneytisins. Þá hafði minnisblaðið farið í nokkuð almenna dreifingu enda Mörður Árnason varaþingmaður þegar tilkynnt að hann hefði skjalið undir höndum. Talsvert uppþot varð á ritstjórn Fréttablaðsins og Vísis vegna málsins en þeir blaðamenn sem vitað var að haft hefðu aðgengi að skjalinu voru kallaðir til fundar við yfirstjórn, þar á meðal Mikael Torfason aðalritstjóri 365 miðla. Hvers vegna hann nokkru síðar neitar að hafa minnis- blaðið undir höndum hefur blaðið ekki fengið skýringu á en ekki náðist í Mikael við vinnslu fréttarinnar.
Erfitt um vik
Málið er hið vandræðalegasta fyrir 365 miðla en samkvæmt trúnaðarsamtölum við starfsfólk fyrirtækisins var fréttamönnum gert ljóst að erfitt væri að fjalla um málið vegna þeirrar augljósu stöðu að upplýsingarnar sem þjóðfélagið kallaði eftir lægju fyrir inni á ritstjórn. Erfitt væri að fjalla um málið en nauðsynlegt í hófi.
* DV greindi frá því í lok júní að Þórey væri starfsmaður b. Skömmu síðar kom í ljós að það var ekki rétt og að Gísli er starfsmaður b. Hann hefur nú verið dæmdur vegna lekans. Þórey hefur krafist fangelsisvistar yfir blaðamönnum DV vegna málsins.